మున్సిపాలిటీ ఆధ్వర్యంలో నిర్వహించిన హర్గర్ తిరంగా ర్యాలీ
ముఖ్య అతిథిగా మాజీ మంత్రి, శాసనసభ్యులు ప్రత్తిపాటి పుల్లారావు
చిలకలూరిపేట పట్టణంలో మున్సిపాలిటీ ఆధ్వర్యంలో నిర్వహించిన హర్గర్ తిరంగా ర్యాలీలో మాజీ మంత్రి, స్థానిక శాసనసభ్యుడు పత్తిపాడు పుల్లారావు పాల్గొన్నారు. ఈ సందర్భంగా ఆయన మాట్లాడుతూచంద్రబాబు ముందుచూపు కలిగిన నాయకుడని ఆయన అన్నారు. రాష్ట్ర అభివృద్ధిపై దృష్టి పెట్టి రాష్ట్రాన్ని అభివృద్ధి పథంలో ముందుకు తీసుకెళుతున్నారని ఆయన తెలిపారు. కనుకనే దేశం యావత్తు ఆంధ్ర రాష్ట్రం వైపు చూస్తుందని ఆయన పేర్కొన్నారు. పెట్టుబడులను ఆకర్షిస్తూ, ఏ ఒక్క రంగాన్ని విస్మరించకుండా రాష్ట్రాన్ని ముందుకు తీసుకెళ్తున్నారని ఆయన తెలిపారు. దేశంలో ఆంధ్రప్రదేశ్ ను రోల్ మోడల్ గా ఉంచాలని అన్ని వెనుకబడిన జిల్లాలకు సరైన ప్రాధాన్యం కల్పిస్తూ ముందుకు వెళ్తున్నారని ఆయన తెలిపారు. ఈ హార్ ఘర్ తిరంగ ర్యాలీ ద్వారా దేశ ఐక్యత నిరూపించవచ్చని ఆయన తెలిపారు. ఈ కార్యక్రమంలో మున్సిపల్ సిబ్బంది, విద్యార్థిని విద్యార్థులు, ప్రజలు పెద్ద సంఖ్యలో పాల్గొన్నారు.
