ప్రభుత్వ విప్గా బాధ్యతలు స్వీకరించిన ఎమ్మెల్యే వేముల వీరేశం
…..
సాక్షిత సూర్యాపేట జిల్లా ప్రతినిధి: తెలంగాణ రాష్ట్ర ప్రభుత్వ విప్గా బాధ్యతలు స్వీకరించిన నకిరేకల్ ఎమ్మెల్యే వేముల వీరేశంను ప్రముఖ వైద్యులు డాక్టర్ పూరి రామ్మూర్తి యాదవ్ ఘనంగా సన్మానించారు. ఈ సందర్భంగా స్థానికంగా అభినందనల వెల్లువ కొనసాగింది. ప్రభుత్వ విప్గా నియమితులవడం వేముల వీరేశం రాజకీయ ప్రస్థానంలో కీలక ఘట్టమని, ప్రజాసేవ పట్ల ఆయన కట్టుబాటుకు ఇది ప్రతిఫలమని డాక్టర్ రామ్మూర్తి యాదవ్ పేర్కొన్నారు. నియోజకవర్గ అభివృద్ధి కోసం ఆయన చూపుతున్న చొరవ, ప్రజల సమస్యల పరిష్కారంలో ఆయన నిబద్ధతకు ఈ పదవి మరింత బలం చేకూరుస్తుందని అన్నారు. నకిరేకల్ నియోజకవర్గంలో మౌలిక వసతులు, విద్య, ఆరోగ్య రంగాల్లో ఎమ్మెల్యే చేపడుతున్న అభివృద్ధి కార్యక్రమాలు ప్రజలకు ఎంతో ఉపయోగపడుతున్నాయని, ప్రజలతో నేరుగా మమేకమై సేవలు అందిస్తున్న ప్రజాప్రతినిధిగా ఆయన మంచి గుర్తింపు పొందుతున్నారని కొనియాడారు. ఈ సందర్భంగా ఎమ్మెల్యే వేముల వీరేశంను శాలువాతో సత్కరించి, పుష్పగుచ్ఛం అందజేసి అభినందనలు తెలిపారు. కార్యక్రమంలో పలువురు నాయకులు, కార్యకర్తలు పాల్గొని తమ శుభాకాంక్షలు తెలియజేశారు. అనంతరం ఎమ్మెల్యే వేముల వీరేశం మాట్లాడుతూ, ప్రభుత్వ విప్గా తనపై నమ్మకం ఉంచిన నాయకత్వానికి కృతజ్ఞతలు తెలియజేస్తూ, ప్రజల ఆశయాలను నెరవేర్చేందుకు మరింత కృషి చేస్తానని తెలిపారు. నకిరేకల్ నియోజకవర్గాన్ని అభివృద్ధి పథంలో ముందుకు తీసుకెళ్లడం తన ప్రధాన లక్ష్యమని పేర్కొన్నారు. ఈ కార్యక్రమంలో సీనియర్ వెటర్నరీ డాక్టర్ బట్టు గోపీ, కొమురయ్య వెంకన్న, నిమ్మల వెంకన్న, మేరుగు రమేష్ తదితరులు పాల్గొన్నారు.
