కిందికుంట పార్క్లో ఘనంగా ఉగాది వేడుకలు – తాజా మాజీ కార్పొరేటర్ నార్నే శ్రీనివాస రావుకు సన్మానం
….
సాక్షిత హైదర్ నగర్:
తెలుగు నూతన సంవత్సరం ‘శ్రీ పరాభవ’ నామ ఉగాది పర్వదినాన్ని పురస్కరించుకుని హైదర్ నగర్ డివిజన్లో. కిందికుంట పార్క్లో తెలుగు భాషా ఉగాది వేడుకలను అత్యంత వైభవంగా కార్పొరేటర్ గారి సమక్షంలో నిర్వహించారు. ఈ సందర్భంగా ఏర్పాటు చేసిన సాంస్కృతిక కార్యక్రమాలు మరియు పంచాంగ శ్రవణం స్థానిక ప్రజలను ఎంతగానో ఆకట్టుకున్నాయి.
ఘన సన్మానం: హైదర్ నగర్ డివిజన్ తాజా మాజీ కార్పొరేటర్ నార్నే శ్రీనివాస రావు కి ఈ కార్యక్రమంలో ఘన సన్మానం జరిగింది. డివిజన్ అభివృద్ధికి ఆయన చేసిన విశేష కృషిని మరియు ప్రజలకు అందించిన సేవలను గుర్తించి, స్థానిక నివాసితులు మరియు నాయకులు ఆయనను శాలువాతో సత్కరించి అభినందనలు తెలిపారు.
అభివృద్ధి పనుల ప్రస్తావన: తన పదవీ కాలంలో హైదర్ నగర్ డివిజన్ పరిధిలోని కాలనీలలో మౌలిక సదుపాయాల కల్పన, పార్కుల అభివృద్ధి మరియు పారిశుధ్య పనులపై నార్నే శ్రీనివాస రావు ప్రత్యేక శ్రద్ధ చూపినందుకు గాను ఈ గౌరవం దక్కింద
ఈ కార్యక్రమంలో డివిజన్ పరిధిలోని వివిధ కాలనీల ప్రతినిధులు, తెలుగు భాషా అభిమానులు మరియు పెద్ద సంఖ్యలో స్థానిక మహిళలు, ప్రజలు పాల్గొని ఉగాది శుభాకాంక్షలు తెలిపారు.
