మున్సిపల్ ఎన్నికల నేపధ్యంలో ఆన్ లైన్ లో కూడా ఓటర్ స్లిప్పులను డౌన్ లోడ్ చేసుకునే సౌకర్యం ఉంది…..
రామగుండం నగర పాలక సంస్థ కమిషనర్ జె.అరుణ శ్రీ….
పెద్దపల్లి/ ఫిబ్రవరి 11. 2026 రోజున మున్సిపల్ ఎన్నికల నేపధ్యంలో ఆన్ లైన్ లో కూడా ఓటర్ స్లిప్పులను డౌన్ లోడ్ చేసుకునే సౌకర్యం ఉందని అదనపు కలెక్టర్ ( స్థానిక సంస్థలు ) , రామగుండం నగర పాలక సంస్థ కమిషనర్ జె. అరుణ శ్రీ తెలిపారు. పోలింగ్ కేంద్రం చిరునామా , ఓటర్ క్రమ సంఖ్య తెలుసుకోవడానికి ఉపకరించే ఈ ఓటర్ స్లిప్పులను రామగుండం నగర పాలక సంస్థ కార్యాలయం ఆద్వర్యంలో ఇప్పటికే ఇంటింటికీ పంపిణీ చేయడం జరిగిందని తెలిపారు . ఇక్కడ ఓటు ఉండి ఇతర ప్రాంతాల్లో ఉన్న వారు కూడా ఈ స్లిప్పులను పొందడానికి తెలంగాణ రాష్ట్రం ఎన్నికల సంఘం వెబ్ సైట్ సందర్శించి “డౌన్ లోడ్ ఓటర్ స్లిప్ బై ఎపిక్ ఐ డి అర్బన్ 2025” విండో తెరిచి జిల్లా , మునిసిపాలిటీ , వార్డు , ఎపిక్ ఐడి అనగా ఓటర్ గుర్తింపు కార్డు నెంబర్ వివరాలు ఇవ్వగానే ఓటర్ స్లిప్ డౌన్ లోడ్ అవుతుందని అన్నారు.
నేరుగా https://tsec.gov. in/voter SlipUlb.do అనే లింక్ తో వెబ్ సైట్ లో కెళ్ళి పై వివరాలని ఇచ్చి డౌన్ లోడ్ చేసుకోవచ్చని తెలిపారు . అంతేకాకుండా టి పోల్ ( Te – Poll ) యాప్ ద్వారా కూడా ఓటర్ స్లిప్ డౌన్ లోడ్ చేసుకోవచ్చని తెలిపారు. ఎన్నికల సంఘం నిర్దేశించిన ఒరిజినల్ గుర్తింపు కార్డు చూపించి పోలింగ్ కేంద్రంలో తమ ఓటు హక్కు వినియోగించుకోవాలని ఆమె కోరారు.
