ఇంద్రకీలాద్రిపై కుంభాభిషేక మహోత్సవాలు – భక్తుల సౌకర్యార్థం కట్టుదిట్టమైన ఏర్పాట్లు; దేవస్థానం సేవలకు భక్తుల హర్షం.
06 మార్చి 2026
ఇంద్రకీలాద్రిపై శ్రీ కనకదుర్గమ్మ దేవస్థానంలో అత్యంత వైభవంగా జరుగుతున్న కుంభాభిషేక మహోత్సవాల నేపథ్యంలో, రాష్ట్రం నలుమూలల నుండి వస్తున్న భక్తులకు ఎటువంటి అసౌకర్యం కలగకుండా దేవస్థానం యంత్రాంగం చేపట్టిన ఏర్పాట్లు సత్ఫలితాలను ఇస్తున్నాయి. క్యూ లైన్లలో వేచి ఉన్న భక్తులకు కనీస ఇబ్బంది కలగకుండా తీసుకున్న చర్యలపై సర్వత్రా హర్షం వ్యక్తం అవుతోంది.
1. తాగునీరు, పారిశుద్ధ్యం:
నగరపాలక సంస్థ సహకారంతో భక్తుల దాహార్తిని తీర్చేందుకు విస్తృత ఏర్పాట్లు చేశారు. లో-బ్రిడ్జి నుండి ప్రారంభించి ప్రధాన దేవస్థానం వరకు ప్రతి 100 మీటర్లకు ఒక తాగునీటి కేంద్రాన్ని ఏర్పాటు చేశారు. దీనివల్ల భక్తులు ఎక్కడా ఇబ్బంది పడకుండా స్వచ్ఛమైన మంచినీటిని పొందుతున్నారు.
2. 11 ప్రాంతాల్లో ఉచిత వైద్య శిబిరాలు:
ఎండ తీవ్రత దృష్ట్యా భక్తుల ఆరోగ్యాన్ని దృష్టిలో ఉంచుకుని దేవస్థానం ప్రత్యేక శ్రద్ధ తీసుకుంది. ఈ క్రింది 11 కీలక ప్రాంతాలలో ఉచిత వైద్య శిబిరాలను, వైద్య నిపుణులతో అందుబాటులో ఉంచారు.
సీతమ్మ వారి పాదాలు, దుర్గా ఘాట్, ఘాట్ రోడ్.
ప్రధాన ఆలయ పరిసరాలు, మహా మండపం, శివాలయం.
మరియు ఇతర రద్దీ ప్రాంతాలు.
3. వేసవి వేడి నుండి ఉపశమనం – పంపిణీ కార్యక్రమాలు:
ఉదయం 10 గంటల నుండి ఎండ తీవ్రత పెరుగుతున్న నేపథ్యంలో, క్యూ లైన్లలో వేచి ఉన్న భక్తులకు
నిరంతరాయంగా మజ్జిగ మరియు బిస్కట్ ప్యాకెట్ల పంపిణీ జరుగుతోంది.
ప్రత్యేకించి చంటి బిడ్డలకు మరియు వృద్ధులకు పాలు పంపిణీ చేస్తూ సాయంత్రం వరకు కొన సాగించారు.
అన్న ప్రసాద విభాగం ద్వారా భక్తులందరికీ రుచికరమైన అన్న ప్రసాదం వితరణ నిరంతరం కొనసాగుతోంది.
4. క్యూ లైన్లలో నీడ సౌకర్యం (షామియానాలు):
భక్తులకు ఎండ తగలకుండా ఉండేందుకు కనకదుర్గ నగర్ ఎంట్రన్స్ నుండి మహా మండపం వరకు, అలాగే ఘాట్ రోడ్ ఎంట్రన్స్ నుండి ప్రోటోకాల్ ఆఫీస్ వరకు క్యూ లైన్ల పొడవునా పటిష్టమైన షామియానాలు/టెంట్లు ఏర్పాటు చేశారు. దీనివల్ల భక్తులు ఎండ వేడి నుండి ఉపశమనం పొందుతున్నారు.
5. సామాన్య భక్తులకు పెద్దపీట – ఉచిత దర్శనం:
భక్తుల రద్దీని దృష్టిలో ఉంచుకుని దేవస్థానం కీలక నిర్ణయం తీసుకుంది. అన్ని రకాల దర్శన టిక్కెట్లను రద్దు చేసి, భక్తులందరికీ శ్రీ అమ్మవారి ఉచిత దర్శనాన్ని కల్పిస్తున్నారు. క్యూ లైన్లు త్వరగా కదిలేందుకు వీలుగా అంతరాలయ దర్శనాన్ని తాత్కాలికంగా నిలుపుదల చేయడం జరిగింది.
6. క్షేత్రస్థాయిలో అధికారుల పర్యవేక్షణ:
ఆలయ ధర్మకర్తల మండలి చైర్మన్ బొర్రా రాధాకృష్ణ (గాంధీ), కార్యనిర్వాహణాధికారి (EO) వి.కె. శీనానాయక్ స్వయంగా కనకదుర్గ నగర్ వైపు ఉన్న క్యూ లైన్లలో పర్యటించారు.
భక్తులతో నేరుగా మాట్లాడి అందుతున్న సౌకర్యాలపై వారి సంతృప్తిని అడిగి తెలుసుకున్నారు.
NSS వాలంటీర్స్ కు ఈవో శీనా నాయక్ దిశా నిర్దేశం చేశారు.
కమాండ్ కంట్రోల్ రూమ్: మోడల్ గెస్ట్ హౌస్లో ఏర్పాటు చేసిన కమాండ్ కంట్రోల్ రూమ్ను సందర్శించి, సీసీటీవీల ద్వారా భక్తుల కదలికలను పరిశీలించారు.
పోలీస్ శాఖతో సమన్వయం: అసిస్టెంట్ పోలీస్ కమిషనర్ దుర్గారావు గారితో చర్చించి, భద్రత మరియు క్యూ లైన్ల క్రమబద్ధీకరణపై ఆదేశాలు జారీ చేశారు.
అమ్మవారి సన్నిధిలో వివాహాలు చేసుకున్న నూతన దంపతులతో చైర్మన్ మరియు ఈవో మాట్లాడి, వారికి ప్రత్యేకంగా దర్శన ఏర్పాట్లు చేయించి ఆశీస్సులు అందజేశారు.
