శంకర్పల్లి శ్రీ చైతన్య స్కూల్ లో ఘనంగా ఉగాది, రంజాన్ వేడుకలు
శంకర్పల్లి: శంకర్పల్లి మున్సిపల్ పరిధిలోని శ్రీ చైతన్య స్కూల్ లో ఉగాది, రంజాన్ వేడుకలు బుధవారం ఘనంగా జరిగాయి. ఈ సందర్భంగా ప్రిన్సిపాల్ మాట్లాడుతూ.. ఉగాది తెలుగు ప్రజలకు నూతన సంవత్సరం అన్నారు. షడ్రుచుల ఉగాది పచ్చడి జీవితంలోని సుఖ దుఖాలను సమానంగా స్వీకరించాలనే సందేశాన్ని ఇస్తుందని తెలిపారు. మన సంస్కృతి సంప్రదాయాలను భావితరాలకు అందించాలనే ముఖ్య ఉద్దేశంతో ఈ వేడుకను నిర్వహించామన్నారు. విద్యార్థులు సంప్రదాయ దుస్తుల్లోనూ, పండితుల వేషధారణల్లోనూ అలరించారు. ఉగాది పచ్చడిని స్వీకరించి శుభాకాంక్షలు తెలియజేసుకున్నారు. ఈ కార్యక్రమంలో డైరెక్టర్ శ్రీధర్, శ్రీ విద్య, ఏజీఎం పల్లె వెంకట్, ప్రిన్సిపాల్ రాజేష్ కుమార్, కోఆర్డినేటర్స్ స్వామి, వీరమని, పూజ, ఏవో చంద్రశేఖర్ రెడ్డి, డీన్ అజయ్, ఇన్చార్జిలు స్వాతి రాధిక మాలతి ఉన్నారు.
