2026-27 : తెలంగాణ బడ్జెట్ రూ.3,24,234 కోట్లు.. శాఖల వారిగా కేటాయింపులు ఇలా..
Budget 2026-27 : తెలంగాణ ప్రభుత్వం వార్షిక బడ్జెట్ను ప్రవేశపెట్టింది. అసెంబ్లీలో డిప్యూటీ సీఎం భట్టి విక్రమార్క బడ్జెట్ ప్రవేశపెట్టి..
ప్రసంగాన్ని ప్రారంభించారు. తెలంగాణ రాష్ట్రం బడ్జెట్ 2026-27ను 3,24,234 కోట్లుతో ప్రవేశపెట్టారు. రెవెన్యూ వ్యయం రూ. 2,34,406 కోట్లు కాగా.. మూలధన వ్యయం 47,267 కోట్లుగా భట్టి విక్రమార్క పేర్కొన్నారు.
ప్రస్తుతం 200 బిలియన్ యూఎస్ డాలర్లుగా ఉన్న ఆర్థిక వ్యవస్థను 2034 నాటికి 1 ట్రిలియన్ యూఎస్ డాలర్ల ఆర్థిక వ్యవస్థగా.. 2047 నాటికి మూడు ట్రిలియన్ యూఎస్ డాలర్ల ఆర్థిక వ్యవస్థగా తీర్చిదిద్దే ఒక మహత్తర లక్ష్యాన్ని నిర్దేశించుకున్నామని, ఈ లక్ష్యాన్ని సాధించడం కోసం విభాగాల వారీగా ప్రత్యేక ప్రణాళికలను రూపొందిస్తున్నామని భట్టి విక్రమార్క చెప్పారు.
బడ్జెట్లో కేటాయింపులు ఇలా..
వ్యవసాయం-రూ.23,179 కోట్లు
విద్యుత్శాఖ-రూ. 21,285 కోట్లు
విద్యాశాఖ-రూ.26,674 కోట్లు
మహిళ, శిక్ష సంక్షేమం-రూ.3143 కోట్లు
పశుసంవర్థకశాఖ-రూ.1,529 కోట్లు
సివిల్ సప్లై-రూ.7,366 కోట్లు
వైద్యారోగ్యశాఖ- రూ.13,679 కోట్లు
రాజీవ్ యువవికాసం- రూ. 6000 కోట్లు
ఎస్సీ అభివృద్ధి- రూ.11784 కోట్లు
ఎస్టీ అభివృద్ధి రూ.7937 కోట్లు
మైనారిటీ సంక్షేమం- రూ.3769 కోట్లు
బీసీ సంక్షేమం : రూ.12,511 కోట్లు
ఇరిగేషన్ -రూ.22615 కోట్లు
మున్సిపల్ శాఖ- రూ.17907 కోట్లు
గృహ నిర్మాణం- రూ.7430 కోట్లు
ఐటీ- రూ.875 కోట్లు
చేనేత- రూ.258 కోట్లు
పరిశ్రమలు- రూ. 3490 కోట్లు
పంచాయతీ రాజ్- రూ.33688 కోట్లు
ఆర్అండ్బీ – రూ.12789 కోట్లు
న్యాయ శాఖ- రూ.2367 కోట్లు
హోంశాఖ- రూ. 11907 కోట్లు
టూరిజం- రూ. 1224 కోట్లు
గోదావరి పుష్కరాలు -రూ.500 కోట్లు
ఇందిరమ్మ కుటుంబ జీవిత బీమా పథకం :
ఈ పథకాన్ని జూన్ 2 నుంచి ప్రారంభించనున్నారు. కుటుంబంలో ఆదాయం తెచ్చే వ్యక్తి దురదృష్టవశాత్తు చనిపోతే ఆ కుటుంబానికి అండగా నిలిచేందుకు ఈ పథకం ద్వారా ఆర్థిక సాయం దజేస్తారు. పేద, ధనిక అనే తేడా లేకుండా కుటుంబానికి రూ.5లక్షల జీవిత బీమా అందించే విధంగా ఇందిరమ్మ కుటుంబ జీవిత బీమా పథకాన్ని నూతనంగా రాష్ట్ర ప్రభుత్వం ప్రవేశపెట్టనుంది.
